काठमाडौं ।  बाथ रोगबारे धेरैमा विभिन्न जिज्ञासा हुने गर्छन्। यही विषयमा बाथ रोग विशेषज्ञ डा अरुण कुमार गुप्तासँग ३ महत्वपूर्ण प्रश्न गरेका छौँ। 

बाथ रोगका लक्षण,  समयमै उपचार नगर्दा हुन सक्ने असरबारे डा. गुप्ताको छोटो जवाफ यस्ता छन्।

१.  बाथ रोगका मुख्य लक्षण के–के हुन्?

डा. अरुण कुमार गुप्ताको जवाफ:  बाथ रोगमा जोर्नी दुख्ने, सुन्निने र बिहान उठ्दा जोर्नी कक्रिने हुन्छ। कतिपय अवस्थामा आँखा रातो हुने, आँखा सुख्खा हुनेजस्ता समस्या पनि देखिन सक्छन्।

२.  बाथ रोगले जोर्नीबाहेक अन्य अंगमा पनि असर गर्छ ?

डा. अरुण कुमार गुप्ताको जवाफ: बाथ रोगले जोर्नीमा मात्रै नभई आँखा, छाला, फोक्सो र मिर्गौलालगायत शरीरका अन्य अंगमा पनि असर गर्न सक्छ।

३.  बाथ रोगको समयमै उपचार नगर्दा के हुन्छ ?

डा. अरुण कुमार गुप्ताको जवाफ:  समयमै रोग पहिचान भएन र उपचारमा ढिलाइ गरियो भने पछि गएर मेरुदण्डको हड्डी नै बाङ्गिन सक्ने अवस्था आउन सक्छ।