खुट्टा एक्कासी सुनिनु सामान्य समस्या मात्र नहुन सक्छ। रक्तनलीमा रगत जम्दा डीप भेन थ्रोम्बोसिस (DVT) हुन सक्छ। यस्तो रगत छुटेर फोक्सोमा पुगेमा पल्मोनरी एम्बोलिजम भएर ज्यानसमेत जोखिममा पर्न सक्छ।

भास्कुलर तथा इन्डोभास्कुलर सर्जन डा. सन्दीपराज पाण्डेका अनुसार खुट्टा एकातिर मात्र सुनिनु, धेरै दुख्नु, तातो हुनु, खुट्टा कस्सिनु वा औँला चिसो भएर नीलो/कालो हुँदै जानु जस्ता लक्षण देखिए तत्काल अस्पताल जानुपर्छ।

लामो समय बस्ने, लामो यात्रा गर्ने, धूम्रपान, मोटोपना, मधुमेह तथा केही हार्मोनल औषधिले रक्तनलीमा समस्या र रगत जम्ने जोखिम बढाउन सक्छ।

विशेषगरी लामो यात्रा गर्दा समय–समयमा खुट्टा चलाउने, पर्याप्त पानी पिउने र सम्भव भएसम्म हिँडडुल गर्ने चिकित्सकको सुझाव छ।

डा. सन्दीपराज पाण्डेको विस्तृत कुराकानी भिडियोमा हेर्नुहोस्।