काठमाडौं । पछिल्लो समय धेरैलाई कलेजोेको समस्याले सताईरहेको पाईन्छ । अस्वस्थ खानपान, अनियमित जीवनशैली, जंक फुड तथा कोल्ड ड्रिङ्क्सको अत्यधिक प्रयोगका कारण कलेजोसम्बन्धी समस्या तीव्र रूपमा बढिरहेको पेट तथा कलेजो रोग विशेषज्ञ डा. शेखर पौडेल बताउँछन् । उनका अनुसार  कलेजोको समस्या अहिले ‘साइलेन्ट महामारी’ जस्तै बन्दै गएको छ । 
“कलेजो बिग्रिँदै जाँदा पनि धेरैलाई थाहा हुँदैन। त्यसैले जोखिम भएका व्यक्तिले नियमित जाँच गराउनुपर्छ,” उनले भने। डा. पौडेलका अनुसार मोटोपन, डाइबिटिज, मदिरा सेवन, हेपाटाइटिस बीरसी, उच्च कोलेस्ट्रोल तथा पारिवारिक इतिहास भएका व्यक्तिले नियमित स्वास्थ्य परीक्षण गर्नुपर्छ।

 कलेजो स्वस्थ राख्न के गर्ने ? 
-ताजा फलफूल र हरियो सागसब्जी खाने
-नियमित व्यायाम गर्ने
-पर्याप्त पानी पिउने
-चिल्लो, जंक फुड र अत्यधिक चिनी कम गर्ने
-मदिरा सेवन घटाउने
-समयमै खाना खाने
-लामो समय खाली पेट नबस्ने
-पर्याप्त निद्रा र तनाव नियन्त्रण गर्ने