काठमाडौं । भोटेकोशी बाढीपीडितको उद्धार तथा राहतका लागि डा.अबुल हुसेन अन्सारीले प्रधानमन्त्री दैवी प्रकोप उद्धार कोषमा ५ लाख १ हजार रुपैयाँ सहयोग गरेका छन्। डा.अन्सारीले बाढी प्रभावित क्षेत्रका नागरिकको राहत तथा सहयोगका लागि सोमबार उक्त रकम कोषको खातामा जम्मा गराएका हुन्।

यसअघि पनि विपत्तिमा परेका नागरिकलाई सहयोग गर्ने डा.अन्सारीको टोलीले रसुवा बाढी प्रभावित क्षेत्रमा ३ लाख रुपैयाँ बराबरका अत्यावश्यक औषधी तथा मेडिकल सामग्री हस्तान्तरण गरेको थियो।

नगद सहयोग गर्दै डा.अन्सारीले विपत्तिको समयमा बाढीपीडितको उद्धार, राहत तथा पुनःस्थापनाका लागि सबै क्षेत्रबाट सहयोग आवश्यक रहेको बताए।

डा.अन्सारीले एक नेपालीलाई विपत्ति पर्दा अर्को नेपालीले आफ्नो क्षमताअनुसार सहयोग गरेर पीडामा मलम लगाउनुपर्ने धारणा राखे।

डा.अन्सारीले यसअघि पनि मुलुकमा विभिन्न विपत्ति तथा संकटका बेला सहयोग गर्दै आएका छन्। उनी नेकपा एमालेका नेता समेत हुन्।