आज १२ मार्च, विश्व मिर्गौला दिवस ।  आज देशभर नै मृगौला दिवसको दिन विभिन्न कार्यक्रम आयोजना गरी मनाइदै छ ।
अध्ययनअनुसार विश्वका करिब १० जनामध्ये १ जनामा दीर्घकालीन मिर्गौला रोगको समस्या देखिने गरेको छ। प्रारम्भिक चरणमा प्रायः कुनै स्पष्ट लक्षण नदेखिने भएकाले धेरै बिरामीमा समस्या गम्भीर भएपछि मात्र रोग पत्ता लाग्ने गरेको चिकित्सकहरूको भनाइ छ।

वरिष्ठ मिर्गौला रोग विशेषज्ञ डा. ऋषि कुमार काफ्लेका  अनुसार नियमित व्ययाम गर्ने, एक दिनमा कम्तिमा १० हजार पाइला हिड्ने र दिनमा २ देखि ३ लिटर पिसाब हुने गरी झोल पदार्थ पिउनु पर्ने बताउँछन् ।  
 यसरी सकिन्छ मृगौलालाई स्वस्थ्य राख्न
 
 -दुखाइ कम गर्ने औषधी सकेसम्म प्रयोग नगर्ने, 
-उचाइ अनुसार तौल कायम राख्ने, स्वस्थकर खाना खाने, 
-मधुमेहका बिरामीले समय(समयमा मा स्वास्थ्य परीक्षण गराउने, 
-सुर्ती, खैनी, चुरोट तथा अल्कोहल सेवन नगर्ने, 
-वर्षमा एकपटक रगतमा क्रियाटीनिन र पिसाबमा प्रोटिनको परीक्षण गराउने।