काठमाडौं । स्वास्थ्य बिमा बोर्डले २०८२ चैत मसान्तसम्म सेवा प्रदायक स्वास्थ्य संस्थालाई स्वास्थ्य बिमाबापत गर्नुपर्ने भुक्तानी सम्पन्न गरेको जनाएको छ।

बोर्डका अनुसार २०८२ चैत मसान्तसम्म सेवा प्रदायक स्वास्थ्य संस्थालाई स्वास्थ्य बिमाबापत २ अर्ब ६ करोड ४३ लाख ३४ हजार रुपैयाँ भुक्तानी गरिएको छ।बोर्डले स्वास्थ्य बिमाबापतको भुक्तानीसम्बन्धी जानकारीसहित सेवा प्रदायक स्वास्थ्य संस्थालाई बिहीबार परिपत्र गरेको जनाएको छ।

बोर्डका अनुसार यससँगै २०८२ सालसम्म स्वास्थ्य बिमाबापत सेवा प्रदायक स्वास्थ्य संस्थालाई गर्नुपर्ने सम्पूर्ण भुक्तानी सम्पन्न भएको छ।

स्वास्थ्य बिमा कार्यक्रमअन्तर्गत सेवा प्रवाह गरेका स्वास्थ्य संस्थालाई समयमा भुक्तानी नहुँदा सेवा प्रभावित हुने तथा बिमितले समेत समस्या भोग्नुपर्ने अवस्था आउने गरेको छ। बोर्डले बाँकी भुक्तानी सम्पन्न गरेसँगै सेवा प्रदायक स्वास्थ्य संस्थालाई आर्थिक व्यवस्थापनमा सहज हुने अपेक्षा गरिएको छ।