माङसेबुङमा निःशुल्क आँखा परीक्षण शिविर सुरु, डा. सन्दुक रुइतले मोतिबिन्दुको शल्यक्रिया गर्ने
इलाम । इलामको माङसेबुङ गाउँपालिकामा चारदिने निःशुल्क आँखा परीक्षण शिविर सुरु भएको छ । किरात धर्मगुरु आत्मानन्द लिङ्देन ‘सेइङ’ को ७३औँ जन्मोत्सवको अवसर पारेर आयोजना गरिएको शिविरमा आँखाका बिरामीको परीक्षण तथा मोतिबिन्दुको निःशुल्क शल्यक्रिया गरिने भएको छ ।
किरात चोत्लुङ मुहिङगुम अङ्सीमाङगेन्ना सेवा समिति, माङसेबुङ गाउँपालिका र तिलगङ्गा आँखा प्रतिष्ठान काठमाडौंको संयुक्त आयोजनामा शिविर सञ्चालन गरिएको हो । माङसेबुङ गाउँपालिका कार्यालयमा सुरु भएको शिविरको उद्घाटन गाउँपालिका अध्यक्ष हेमन्त राईले गरेका हुन् ।
शिविर दुई चरणमा सञ्चालन हुनेछ । पहिलो चरणमा माङसेबुङ गाउँपालिका कार्यालयमा बिरामीको आँखा परीक्षण गरी मोतिबिन्दु पहिचान गरिनेछ । दोस्रो चरणमा मङ्सिर २, ३ र ४ गते माङसेबुङ गाउँपालिका–५ स्थित भालुटारमा निःशुल्क मोतिबिन्दु शल्यक्रिया शिविर सञ्चालन हुनेछ ।
आयोजकका अनुसार शल्यक्रिया शिविरमा यसअघि परीक्षणका क्रममा छनोट भएका बिरामीको निःशुल्क शल्यक्रिया गरिनेछ । उक्त शल्यक्रिया वरिष्ठ नेत्र चिकित्सक डा. सन्दुक रुइतको उपस्थितिमा हुनेछ ।
शिविरमा डा. रुइतसहित तिलगङ्गा आँखा प्रतिष्ठानका नेत्र रोग विशेषज्ञ डा. भोला यादव, डा. दावा तामाङ र डा. विवेक चौधरी सहभागी छन् । पहिलो चरणमा बिरामीको आँखा परीक्षण, औषधि तथा चस्मा वितरण र मोतिबिन्दु पहिचान भएका बिरामीलाई शल्यक्रियाका लागि सिफारिस गर्ने काम भइरहेको डा. यादवले बताए ।
शिविरमा माङसेबुङका विभिन्न गाउँ तथा क्षेत्रबाट सेवाग्राही सहभागी भएका छन् । परीक्षणका क्रममा मोतिबिन्दु पहिचान भएका बिरामीलाई भालुटारमा हुने शल्यक्रिया शिविरसम्म पुर्याउन र उपचारपछि घर फर्काउन गाउँपालिकाले निःशुल्क सवारीसाधनको व्यवस्था गरेको अध्यक्ष राईले बताए ।
नेत्र रोग विशेषज्ञको उपस्थितिमा माङसेबुङमा पहिलोपटक आयोजना भएको शिविरबाट अधिकतम लाभ लिन गाउँवासीलाई उनले आग्रह गरेका छन् ।
त्यस्तै, मोतिबिन्दुको शल्यक्रिया गर्न आउने बिरामीका लागि आयोजकले निःशुल्क खाना र बस्ने व्यवस्था गरेको अङ्सीमाङगेन्ना सेवा समिति अध्यक्ष केहरसिं योङहाङले बताए ।
आँखामा समस्या भए पनि उपचारको पहुँचमा पुग्न नसकेका सर्वसाधारणलाई लक्षित गरी आयोजना गरिएको शिविरबाट माङसेबुङ तथा आसपासका क्षेत्रका नागरिक लाभान्वित हुने अपेक्षा गरिएको छ ।
भर्खरै
माङसेबुङमा निःशुल्क आँखा परीक्षण शिविर सुरु, डा. सन्दुक रुइतले मोतिबिन्दुको शल्यक्रिया गर्ने
मुगु दुर्घटनाका दुई घाइतेलाई हेलिकोप्टरबाट उद्धार, थप उपचारका लागि काठमाडौं रेफर
धनगढीबाट काठमाडौं आउँदै गरेको बस नवलपरासीमा दुर्घटना, ३३ जना घाइतेको सूची सहित
रक्तदानदेखि रगत व्यवस्थापनसम्म : नेपालमा किन हुन्छ रगतको अभाव? डा. विपिन नेपाल (भिडियोसहित)
कोप–३१ को मध्यबिन्दुमा जलवायु प्रमुखको आग्रह : सम्झौताका लागि सबै पक्ष लचिलो बन्नुपर्ने
पश्चिमी न्यूनचापीय प्रणालीको प्रभाव, हिमाली क्षेत्रमा हल्का वर्षा र हिमपातको सम्भावना
रारा जाने क्रममा मुगुमा गाडी दुर्घटना
धेरै पढिएको
नेपालमै उत्पादित कार–टी सेलबाट ब्लड क्यान्सरको उपचार सफल, थप बिरामीमा प्रयोगको तयारी
तिहारमा पटाकाको आतंक : वायु प्रदूषणदेखि स्थायी बहिरोपनसम्मको जोखिम
व्यायामका लागि छुट्टै समय चाहिँदैन, दैनिक गतिविधिले नै जोगाउँछ मुटु
तनहुँमा स्क्रब टाइफसको जोखिम, एक महिनामै १५५ जनामा सङ्क्रमण पुष्टि
मुगुको सोरुमा बोलेरो जिप दुर्घटना, पाँच जना घाइते
निजामती कर्मचारी अस्पतालमा अनलाइन ओपीडी टिकट सेवा सुरु, घरबाटै अपोइन्टमेन्ट लिन सकिने
भिमफेदी दुर्घट्ना : मृत्यु भएका १४ जनाकै पहिचान खुल्यो




प्रतिकृया दिनुहोस