नेपाल चिकित्सक संघको यसअघि स्थगित भएको तेस्रो राष्ट्रिय स्वास्थ्य सम्मेलन यही मंसिर १० र ११ गते हुने भएको छ। संघले सम्मेलनको नयाँ मिति सार्वजनिक गरेसँगै सम्मेलनका लागि सबै तयारी पूरा भइसकेको जनाएको छ। थर्ड एनएमए नेशनल हेल्थ समिट(२०२३’ नाम दिइएको सम्मेलन गुणस्तरीय स्वास्थ्य सेवाको प्रबर्द्धनः अवसर र चनौतीु विषायमा केन्द्रित रहेर तेस्रो राष्ट्रिय सम्मेलनमा छलफल हुने छ।
यसअघि असोजमा गर्न लागेको सम्मेलन चिकित्सक तथा स्वास्थ्यकर्मीमाथि निरन्तर आक्रमण र दुर्व्यवहारका घटना भएपछि स्थगित भएको थियो। अघिल्लो वर्ष गरिएको दोस्रो राष्ट्रिय स्वास्थ्य शिखर सम्मेलनका उपलब्धि, चिकित्सा विज्ञानको विकासका लागि खोज, अनुसन्धान तथा नवप्रवर्तन, स्वास्थ्य सेवा प्रणालीको उन्नयनका लागि स्वास्थ्य अर्थशास्त्र, सुरक्षित स्वास्थ्य सेवा प्रवाहको सबलीकरण, समान सेवाका लागि स्वास्थ्य प्रणाली र स्तरीय स्वास्थ्य सेवाका लागि गुणस्तरीय शिक्षा विषयमा छलफल हुने संघले जनाएको छ ।

यो दुई दिनसम्म चल्ने सम्मेलन गुणस्तरीय स्वास्थ्य सेवाको प्रर्वद्धन अवसर र चुनौती भन्ने मुख्य सन्देशका साथ ६ वटा छुट्टाछुट्टै विषयवस्तुमा प्यानल छलफल सहित बबरमहलस्थित कार्की ब्याङ्क्वेटमा हुने छ।

 

 

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0