नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले काभ्रेको खानीखोला गाउँपालिकामा निःशुल्क स्वास्थ्य उपचार गरेको छ ।
ग्रेस नेपालको आयोजना तथा अप्टिमिस्ट इन्टरनेशनलको सहआयोजनामा पालिकाको वडा नम्बर ५ को कार्यालयमा भएको स्वास्थ्य शिविरमा ७३५ बिरामीको उपचार गरिएको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए । शिविरमा ७५ जनाको ल्याब परीक्षण, ८९ जनाको ईसीजी, १३५ जनाको भिडियो एक्सरे गरिएको थियो ।
त्यस्तै ३२ जनाको दाँत खोल्दा ७ जनाको माइनर शल्यक्रियासमेत गरिएको थियो । ३१ जनालाई शल्यक्रियाका लागि केएमसी रिफर गरिएको छ । डा. शर्माले सम्हालेपछि केएमसी र नोबेलले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
